Ka website pan in hong muak ing. Nong hawh ka lungdam mahmah hi.
Ka min Mang Tungg Thang hi in, Teklwi khua, Tedim Khuapi gei a khang khia ka hihi. Gualnam beh hi in 1972 kum May kha 27 ni in Zogam khanglam Matupi ah ka suak hi. Tua laitak in ka pa pen Senior Assistant Teacher a sep laitak hi.
2001 kum April ni 20 ni in Lia Langh Zen Man (Teklwi khua Siapi Pum Khan Langh leh Nu Dim Sian Vung' tanu) tawh Teklwi Tuiphum Pawlpi ah Pum Khat Suahna, Siangtho kiteenna ka nei uh hi. Tua lai ah Teklwi khuami nu leh pa ulehnau te in itna tawh zo uh hi.
Omna: MIT Quarter520-B, Hyde Park Lane 2
Taungthugone Ward
Insein Yangon,
Myanmar. (Tedim Zomite lakpan in MIT quarter ah a om masa hi kha ding uh hi.)
Pilna Sinna
Apa pen kumpi saanq sia ahih manin khua tuamtuam ah pyang kawikawi uh hi.
Kum 5 a phak in saanq kah kipan hi. State Primary School of Teklwi khua ah tarn lang leh tarn khat kah hi. Tua teh tarn nih leh tarn thum pen State Middle School, Lungngo, Matupi gam ah kah hi. Tua khitteh Teklwi Primary School ah tarn li kah kik hi. State Middle School, Kapteel, Tedim gam ah tarn nga pan tarn giat donq kah hi. Tua hun in tarn 6 pan in tarn 8 donq Taezah Lunge Gaungsaung Tintan kah dingin kiteel in Tedim ah pai kha hi. Kapteel ah a om sungin khanglui ngeina "TONH" khat vei mu kha hi. Falam gam Rih Bwaltui ah zong 1984 kumin excursion pai uh hi. Tarn sowm pen 1988 kumin Tedim Exam Center pan ong hi.
Mizoram State, India ah 1989 kum in Lunglei ciang dong phato hi. Mandalay University, Myanmar ah 1991 kum in pilna saang (Day) sinto hi. MU ah a kah sungin lasakna State Show a kah kipatna hipah hi. B.Sc (Q) 1995 kum in Botany Distinction tawh Zoology degree man siang hi.
Pilna Sinna
Lai Siangtho Pilna
A nu' veina, deihsakna leh thunget sakna tawh Lai Siangtho saanq 1997 pan 2000 dong Myanmar Institute of Theology (MIT) ah Pasian lam honsakna tawh kah a, M.Div degree 2000 kum in ngah hi. Tua kum a kipan in hunbit sia BARS, MITah sem suak hi.
BACKGROUND:
Teklwi khua Pu Khup Lyan (Asst. State Education Officer, Rtd.) leh Pi Dim Zam te sungpan in Saturday, May 27, 1972 Sani ni in Matupi ah piang hi. Suahpih sanggam numei 3 leh pasal lii nei hi. 1976 kum in a innkuan un Baptist Christian suak uh hi.
Saanq Kahna:
Kum 5 a phak in saanq kah hi, tarn 10 akah dong in kumsim in laivuanna ah a khatna pan a thumna kikal ngah toto hi. A saanq kahna munte: State Primary School Teklwi, SMS Lungngo, MatupiTownship, SMS Kaptel, leh BEHS (1) Tedim ahihi. Tarn 8 laivuanpi ah kumpi sit (State Exam) hi in, Distinction English and Mathematics ngah a tarn 9 ciangin Science subjects kahthei hi. A tarn 7 pan tarn 9 dong Luyechun Tedim ah a phi dingin teelna ngah toto hi. Kimawl lam hatlo ahih manin a tungsiah kihelto zolo hi. Tarn 10 laivuanpi 1988 kumin ong hi. Tua khit ciangin MandalayUniversity 1991 kumin zoma, B.Sc. (qualify to join Master) degree 1995 in ngah hi. University saanq naupang ahih sungin, “Zomi Syamsin Kipawlna” ah Secretary kum khat sung sem hi. Tua khitteh “Zingsol” (Tedim Kampau) cih thu kizakna 1994 in a lawmte tawh pan khia uha, amasa pen Editor sem pah hi.
A Thunget Ki-apna: 1988 kum in piangthak a Pasian adingin nuntak ding lunggulh mahmah hi. Tua hi in a thungetna ah, “Topa aw, ka nuntakna kikem cing zolo ding hi ing. Leitung tawh ka siat khawm loh nadingin hong kem in. Kul nasak leh zong Natna kei hong kem dingin hong guan in, ka hih theihna khempeuh tangin, na deihna bangin hong zangh in.” ci hi. A mai kum ciangin, tha zawng khalna, natna nam khat ngah a zatui zaha tawh a kibawlbawl hangin damzo peuhmah lo hi. Tua banah, Tarn 10 a on khit cianga a thungetna pen, Topa aw, ka kizat theihna a omleh ka mipih Zomi te adingin ka hih theih tawp in hong zangh in.
Kihelna Tuamtuam
A nuntakna sungah dammawh zawngkhalna a thuak pen kum 16 bang sawt hi - 1990 pan 2005. Tua hangin a nuntakna ah lungkia mahmah a sih ding ciang nangawn Pasian kiangah thu ngen ngei hi. University a kah sungin, Mandalay University Christian Fellowship (UCF) ah kihel in a kiim a pam khuate, Miphak zato cihte ah gospel pai uh hi. A mangngilh theihloh khat pen Series (Yeiktheinchain) 1994 kum a Mandalay UCF tawh a thoh uh Kawlla Pasian phatna khui ahihi. Ama adingin a masapen tuah khakna ahihi.
Pasian in Nusia Lo:
B.Sc.(Q) degree angah khit 1995 in Zomi Baptist Convention of Myanmar (ZBCM) makaihna tawh a masa pen ZBCM Revival Gospel Team ah kha guk sung kihel a, Kawlpi pawlpite, Tedim Baptist Association, leh Tonzang Towhship Baptist Association ah pai kawikawi hi. Ama panmun te pen lasakna, thugenna, hanthotna leh thu ngetna cihte ahihi. Tua khit ciangin Myanmar Institute of Theology (MIT) ah Pasian thu sin ding khensatna nei hi. Kum khat thunget ki-apna a neih khit ciangin entrance phi a Pasian in a thungetna dawngin M.Div. kum khatna ah Pasian hehpihna tawh 1997 kum a kipan in kah thei hi. Dam loh haksatna kawmkal pan, sum leh paai haksatna kawmkal pan in 2000 kumin M.Div. degree ngah thei hi. Lai Siangtho saanq a kah sungin, Student Council ah panmun letna ahi Chairman of Music Committee kum khat sung sem a Yangon khua sung a la kidemna ah a khatna ngah uh hi. Buaih ngah khit ciangin a siapa Professor Rev. Dr. Mg Mg Yin, deihsakna tawh MIT ah fulltime staff in Bachelor of Arts in Religious Studies (BARS) Program a kiphuat cil (2000) a kipan in hunbit na semsuak hi.
A Shun Manq:
A vision lianpen in Zolai (Tedim) limtak sitpha in lai malgawm khantoh sak ding ahihi. Tua pan in Zolai pen Standard Literature hong suak zo ding cih a upna ahihi. Kum 2002 April kha a kipan in hih Zolai bulkan nasep kipan khia hi. Tua banah MIT ah a sep sungin hamphatna tampi zong ngah kha hi. “Linguistics Introduction for Translation” May kha 2004 in MIT leh Payap University, Thailand te' makaihna tawh a kibawl Seminar ah certificate ngah hi.
A Siamna: Computer training ni khat zong kah ngeilo himah taleh, Korean’ te Mission Training, Yangon ah Basic computer sia kum khat sem hi.
American center, Yangon pan a kipia "QuiLT Certificate (Qualification in Language Teaching)" September 2007 in ngah hi.
Hamphatna:
2008-10 sungin United Board for Christian Higher Education in Asia, New York te scholarship tawh UB Fellow Silliman University, Philippines leh Randolph College, USA ah pai in Indonesia ah mahialna July-August 2010 in nei hi. MIT min tawh a pai ahihi. Tua bang angah Zomi sungah a masapen hikha ding hi.
Mailam Ngimna: Ph.D secular Education field tawh kum 45 ma a ngah ding; Education, Music leh Literature Ministry nei in kipan khia ding.
Bulphuh: Kahla 3:24.
My Personal Website (In English) www.mtthang.weebly.com
A Visionte
A vision lianpen in Zolai (Tedim) limtak sitpha in lai malgawm khantoh sak ding ahihi. Tua pan in Zolai pen Standard Literature hong suak zo ding cih a upna ahihi. Kum 2002 April kha a kipan in hih Zolai bulkan nasep kipan khia hi. Tua banah MIT ah a sep sungin hamphatna tampi zong ngah kha hi. “Linguistics Introduction for Translation” May kha 2004 in MIT leh Payap University, Thailand te' makaihna tawh a kibawl Seminar ah certificate ngah hi.
Khua Siansuah Powi
2007 in a khua Teklui/Teklwi khua bup in Khua Siansuahna leh Thupha dawhna neih ding lunggulhna nei a December 2008 ciangin bawl ding sawm uhhi. Tua kum pen khua satzawh kum 90 cinna tawh zong kituak hi. Tua powi bawl ding makaih in khua hausa upate tawh geel khopna nei uh hi. Tua lai ah mun dang a om Teklwi suan leh khak te zong sam uh hi. Khua Siansuah Committee ah secretary sem a, Chairman pen Rev. Dr. Pum Suan Pau (Principal of Tedim Theological Colllege) in sem hi.
Khua Siansuahna leh Thuphadawhna pen December 27-30, 2008 sungin Teklwi Tuiphum Pawlpi Biakinn huang sungah kibawl hi. Khua sung mi khempeuh kihel in kum 90 cinna lungdamkoh Powi tawh nasiatak in bawl uh hi.
Tua powi ii thubulphuh pen 2 Khangtangthu 7:14: "Ka gamuh hong damsak in." Khua zaang bup bek thamlo in mundang panin zong Teklwitate hong pai uh a, Pasian min phatna, lungdam kohna, mawhmai thungetna cihbangin nei khawm uh hi. Tua hun sungah Topa Kha Siangtho in zong na sem ahih manin mailam ah Khua leh tui ading thupha muh kholhna tampi hong kilangh khia hi.
Mailam Ading Ngimna
Kipawlna khat phuan ding, tua tawh Education, Music Ministries leh Literature Ministries nei ding. Master leh PhD secular Education field kah ding lampi zong ding.
Tedim College/University phut ding.
Teklwi Khua Website
Tedim Khuapi gei a om Teklwi khua thu na theih nopleh a nuai a link na click (meek) in:
http://teklwi.weebly.com
Hunzatna (July 29, 2012) TBC-Y Biakinn
http://tedimbcy.blogspot.com/2012/08/tukhang-ading-thei-huai-q-thu-by-rev_3535.html