Pianthak kum 1989
Hunbit Nasepna
Assistant Pastor
M.Div degree kum 2000 in a ngah khit ciangin a khua pawlpi ah Assistant Pastor sem hi (Teklwi Baptist Church) Tedim, Chin State. Tua hi in amah pen Myanmar Baptist Convention Minister member kum 2002 pan a ngah ahihi.
Executive Assistant
MIT ah hunbit Sia dingin kum 2000 pan in Bachelor of Arts in Religious Studies (BARS) program, Myanmar Institute of Theology, Insein, Yangon, Myanmar ah sem hi. BARS program kipat khiatna ah lamphu masa khat ahihi.
Tua ban ah Registrar of the BARS program zong a sem ahihi. Tua bek thamlo in, coordinator for the Theological subjects in the BARS program zong a la ahihi.
Sep Ngei Nhate:
1993 kumin Secretary of Zomi Siamsin Pawl, University of Mandalay sem hi.
University Christian Fellowship of Mandalay ah kihel in, lungdamna thu taangko na ah lasa in Miphak Saanq ta ah pai uh hi.
Victoria Hotel of Mandalay ah 1996 in kum khat sung sem hi.
Music Chairperson of the Student Council, Myanmar Institute of Theology (1999-2000) ah zong sem ngei hi.
Ka Christian Nuntakna
Ka innkuan un Baptist Christian 1976 kum in ka suak uh hi. 1989 kum in pianthakna ka ngah hi. Tua khit teh 1991 kum in ka kituiphum hi.
Ka neulai in Sunday Schools maan tak in ka kah den hi. Tua in Pasian nasem tu in hong suaksak ahihi. Pasian pahtawina lasakna tawh ahizongin, hunzat (hanthot) na tawh ahizongin, tetti panna tawh ahi zongin ka nei hi. 1989 kum a kipan in damlohna zawngkhal natna ka ngah hi. Cidam nadingin thu nakpi tak in ka nei hi. Tua bang damlohna hangin Cidam nading bulphuh in ni thum sung antan thungetna ka ney zel hi. Kawlpi gei Carmel mual ah zong thum vei bang ka pai ngei hi. 2002 kum a kipan in ka cidamna hong hoih zaw deuh hi. Tua hun a kipan in Pasian in vision tampi hong ney sak hi.
ZBCM Revival Gospel Team 1995 in ka kihel a kha guk sung sawt hi, ka paina uh pen Kalay Pawlpite, Tedim Baptist Association, leh Tonzang Township Baptist Association sungteng ahihi. Tua lai ah Hanthotna, Lasakna, Thungetna cih bang in ka kihel hi.
Lai Siangtho buppi sagih vey ka sim khin hi: A patna pan a tawpna dong. Our Daily Bread te' geelna bang hileh Lai Siangtho vial khat sim nadingin kum khat sawt hi. Tedim Lai Siangtho nih vey; Kawl Lai Siangtho khat vey; KJV vial khat; NIV vial khat; RSV vial khat; New American Bible - Catholic Translation - Apocrypha tawh vial khat cih bang in ka sim khin hi.
Pasian tawh hun zat khopna nisimin nai 2 leh 24 minutes ta ka ney hi. Nai 1 leh 12 minutes sung zingsang lam, nai 1 leh 12 minutes nitak lam cih bangin ka zangh hi. Tua bangin hun ka zat a kipan in Pasian in a thu ala hong musak semsem in vision tampi hong guan hi.
Kum 2006 in Pasian in kei adingin Lai Siangtho mun Late 91 hong pia hi.
January 2009 a kipan in nidang a ka theih khak ngeiloh Pasian Itna cih ka ney hi. Tua bang a Pasian Itna ka thei ngeinai kei hi. Tua a kipan in midangte zong itna ka ney thei tuam hi. Tua bangin Pasian in nikhat khit nikhat ka nuntakna hong kheel toto hi.
Tetti Panna
Pasian in Zatui zat ding Deihlo
Kum 17 ka phak in, Mizoram State, India ah sum thalawh in ka lawmte tawh ka pai hi (1989).
Ni khat ka lawmte khat in Phensydyl hong dawnsak hi. Tua zatui ka dawn khit ciangin ka ci hong thak hi. Tua laitak in banghangin ka ci thak cih ka thei kha kei hi. A nung ciangin ka theihna ah tua pen Phensydyl hang ahihi.
1990 kum ciangin lawmte khat mah in phensydyl hong zat pih hi. Ka zat khit ciangin ka ci hong thak leuleu hi. Tua hun in Phensydyl pen ka ci hong thak sak bek ahih lam ka phawk hi.
1993 kum ciangin Mandalay ah university kah in ka lawmte khat in phensydyl hong zat pih hi. Kei tawh kilawm kei veh aw ka ci hi, feeling ngah meel keng in ka ci thak bek ka ci hi. A tawpna ah ka ciam a, a ngeina bangin ka ci hong thak zel hi. Tua hi in bang tel ka hiam cih leh Pasianin a kikham zatuite zat ding deihlo hi cih ahihi. Tua ni a kipan in ciap nawnloh ding ka khensat hi. Tua zatui kei adingin kimanna ney lo hi.
Hih zatui zat man a ka ci a thak pen lamdang ka sa hi. Ka lawmte ahih leh feeling tawh nuam sa mahmah uh hi. Pasian in midang tawh a kibanglo cilehsa hong pia hi ding hiam ka ci hi.
Pasian in kumpi kham zatuite zatding deihlo takpi hi. Kha Siangtho in na lungsim hong lawng henla hong kem ta hen. Amen.
Ka Ukte
Kei pen Music tumh leh lasak ka uk hi. Tua banah lai lam, sa ben cih te zong ka uk hi, limsuaih, laimal gelh/at cihte zong ka uk khat ahihi.
Kum 16 ka phak dong Guitar ka tum ngei kei hi, tua ban ah la zong ka sa ngei kei hi. Tarn 10 ka on kum 1988 ciang in Guitar siam nuam lua ka hih manin guitar khat lei in tumh ka kipan hi. Guitar tumh zia ding hilhna laibu khat lei in kei leh kei in ka sin tawm hi. Mite tumh dan peuh en in ka tum hi. Ka uk luat man in nisim in tum in ka sin a, kha khat ciangin ka tum thei pian ta hi. Pasian a muang mite music siamna pia hi cih zong ka tel pah hi. Nisim in maan maaan in ka tum den hi. Tua banah lasak zong ka kisin a Biakinn ah ka sa zel hi. Damdam in plucking zong ka tum thei hi. Guitar ka uk pen in lead guitar ahihi. La zong a tuung in ka sa thei kei hi, ka aw zong hoihlo lai hi. A hizongin Pasian kiangah thu ka ngen a, Pasian in ka thunget hong dawng in la zong hong sasak thei hi. (1989 mateng la sa ngeilo/sa theilo)
University of Mandalay ka kah 1992 kum in University Convocation Hall ah stage tungah lasak ka kipan hi. Siate Pahtawina Hun ah Major zui in la a tuamtuam tawh pahtawina kinei hi. Stage tunga ka lasak cilna pen "Hotel California" Eagles te la 1992 kum in hi. Tua ban ah "Miracle," Blaze of Glory cih Jon Bon Jovi' late MLTR adang English songs; Kawllate zong kasa hi. Music ka deih pen in Pop mah hipah hi. Shania Twain, 98degrees, cihte pawl zong ka deih mahmah hi. Mandalay, Ansaipi ah lasa in kha thum ka om ngei hi.
A Nuihzakhuai thu khat om hi: University ka kah cil 1991 in ka khutlam hoih mawhlo ahih manin Seniorte khat in zawllai gelhsak dingin hong cial hi. Amah in a cih in ah, "Hih khutlam tawh nungak khat dongh leh a muhteh hong lunglut pah ding hi."
2000 in MIT, Yangon ah Classical guitar siam lawm khat ka ney hi. Tua a kipan in Classical guitar tumh ka kipan a tua kum sungin English Classical pop la dawng 10 bang ka tum thei hi. Tua khit a kipan guitar maan maan in ka tum man nawn kei a, ka la ngahsa teng zong ka mangngilh kik hi. Tu in dawng khat bek ka ngah lai a tua pen "Eternal Flame" ahihi. 1994 kum a Mandalay UCF thoh Kawlla Series leh 2000 kum a TBC-Y thoh Zola series ah la sa in ka kihel ngei hi.
Piano leh keyboard zong ka tum a, guitar zah in ka siam kei hi. Ka neu lim a kipan music tum hilo ka hih manin musician kisuak zolo hi. Ka neu lim in music tum lengh tu in musician suak ding cih ka tel hi.
Damlohna, zawngkhalna hangin 2001 a kipan 2011 dong la ka sa zo nawn kei hi. Ka dam zawk deuh kum 2011 teh la tu in tawmtawm ka sakik pan hi. Topa min ka phat hi, Praise the Lord, Amen.